ខំតាមសុំស្រឡាញ់ជាង១ឆ្នាំ តែខាងស្រីបដិសេធ ខឹងពេកកំលោះវ័យ ៣៦ឆ្នាំ បានធ្វើរឿងដ៏សាហាវមួយនេះទៅវិញ…
ខេត្តកណ្ដាល៖ ខំតាមសុំស្រឡាញ់ជាង១ឆ្នាំ តែខាងស្រីបដិសេធ ខឹងពេកកំលោះវ័យ ៣៦ឆ្នាំ បានព្យាយាមចាក់សម្លាប់ខាងស្រី ហើយបញ្ចប់ជីវិតខ្លួនឯង តែចុងក្រោយនារីរងគ្រោះត្រូវចូលពេទ្យ ចំណែកជនបង្ករខាងលើត្រូវចាប់ខ្លួន។
Thank you for reading this post, don't forget to subscribe!
ហេតុការណ៍ខាងលើកើតឡើងកាលពីវេលាម៉ោង៧និង៣០នាទីយប់ ថ្ងៃទី៣០ ខែធ្នូ ឆ្នាំ២០២២ នៅនៅចំណុចបន្ទប់ជួលដែលជនរងគ្រោះស្នាក់នៅ ស្ថិតនៅក្នុងភូមិស្វាយជ្រុំ ឃុំបែកចាន ស្រុកអង្គស្នួល ខេត្តកណ្ដាល ។
នារីរងគ្រោះមានឈ្មោះ ហ៊ឹម សុផា អាយុ៣៦ឆ្នាំ ជនជាតិខ្មែរ មុខរបរកម្មការិនីរោងចក្រ ស្នាក់នៅក្នុងបន្ទប់ជួលកើតហេតុខាងលើ។ ចំណែកជនបង្ករឈ្មោះ មាស សុវណ្ណ អាយុ៣៦ឆ្នាំ ជនជាតិខ្មែរ មុខរបររត់ម៉ូតូឌុប ស្នាក់នៅភូមិព្រៃរកា ឃុំឆក់ឈើនាង ស្រុកអង្គស្នួល ខេត្តកណ្ដាល។
រងរបួសលើផ្ទៃមុខ និងដៃខាងឆ្វេងជាច្រើនកន្លែង ព្រមទាំងទ្រូងខាងស្ដាំមួយកន្លែងទៀត ក្រោយពេលកើតហេតុ ត្រូវបានរថយន្តពេទ្យដឹកយកទៅសង្គ្រោះភ្លាមៗ ហើយគ្រូពេទ្យដេររបួសសរុបចំនួន៥០ថ្នេរ។រងរបួសបែកក្បាល ត្រូវនគរបាលឃាត់ខ្លួន និងដកហូតបានកាំបិត១ដើមផងដែរ។
យោងតាមប្រភពព័ត៌មានបានឲ្យដឹងថា បុរសខាងលើ និងស្ដ្រីរងគ្រោះ បានតាមសុំស្រលាញ់នាងរយៈពេល១ឆ្នាំកន្លងមកហើយ ប៉ុន្តែនាងមិនព្រមស្រលាញ់វិញ។ រហូតដល់ថ្ងៃកើតហេតុ ជននេះក៏បានព្យាយាមតាមរកនារីរងគ្រោះ ដើម្បីជួបគ្នានិយាយសុំស្នេហ៍បន្តទៀត តែនារីរងគ្រោះគេចមិនព្រមជួបទេ ដែលជាហេតុធ្វើឲ្យជននេះខឹងយ៉ាងខ្លាំង។ ខណៈពេលនោះបាននិយាយបោះពាក្យសម្ដីថា «បើខ្លួនមិនបាននាង ហ៊ឹម សុផា មកធ្វើជាប្រពន្ធទេនោះ ខ្លួននឹងសម្លា.ប់នាងចោល ហើយខ្លួនសុខចិត្តដើរចូលគុ.ក»។
ជននេះផ្ទុះកំហឹងយ៉ាងខ្លាំង រួចក៏យកកាំបិតចាក់ទៅលើនារីរូបនាងដល់បន្ទប់ជួលជាច្រើនកាំបិត បណ្តាលឱ្យរងរបួសធ្ងន់ដួលដេកនៅក្នុងថ្លុកឈា.មតែម្តង។ បន្ទាប់មកស្មានថា នាងស្លា.ប់បាត់ ជនរូបនេះក៏បានយកខ្សែភ្លើងបញ្ចប់ជីវិតខ្លួនឯងទៀត ប៉ុន្តែមិនបានស្លា.ប់តាមបំណងទេ គ្រាន់តែរបួសបែកក្បាល ដោយសារតែខ្សែភ្លើងបានដាច់ បណ្ដាលឲ្យធ្លាក់បោ.កក្បាលផ្ទប់នឹងចង្ក្រាន បង្ករការភ្ញាក់ផ្អើលដល់អ្នកជិតខាងហើយអ្នកជិតខាងបានរាយការន៍ទៅសមត្ថកិច្ចរួចក៏ត្រូវបាននគរបាលប៉ុស្តិ៍បែកចានឃាត់ខ្លួនភ្លាមៗតែម្ដង។
