តារាសម្ដែងកូរ៉េខាងត្បូង Yoo Ah In បានធ្វើតេស្តវិជ្ជមានចំពោះការប្រើប្រាស់កូកាអ៊ីន និងខេតាមីនដោយខុសច្បាប់ ខណៈកន្លងទៅតារារូបនេះក៏ធ្វើតេស្តវិជ្ជមាន ចំពោះការប្រើប្រាស់កញ្ឆា និងថ្នាំ Propofol ផងដែរ។ នេះបើតាមការចេញផ្សាយរបស់សារព័ត៌មាន International The News នៅថ្ងៃទី០៣ ខែមីនា ឆ្នាំ២០២៣។
Thank you for reading this post, don't forget to subscribe!
ប៉ូលីសបានចាប់ផ្តើមស៊ើបអង្កេតតារាសម្ដែងរូបនេះ ក្រោមការសង្ស័យនៃការប្រើប្រាស់គ្រឿងញៀនពីខែមុន ហើយពួកគេក៏បានធ្វើការឆែកឆេរ និងរឹបអូសការិយាល័យវេជ្ជបណ្ឌិតជាច្រើនកន្លែងផងដែរ។ តារាសម្តែងរូបនេះ ត្រូវបានគេចោទប្រកាន់ថាបានទទួលថ្នាំទាំងនេះតាំងពីឆ្នាំ២០២១។
ក្រោយពីបានធ្វើការស៉ើបអង្កេតរួចរាល់ តារារូបនេះបានប្រគល់សំណាក សក់ និងទឹកនោមទៅប៉ូលិស។ សំណាកទឹកនោមបានបន្តធ្វើតេស្តវិជ្ជមានចំពោះការប្រើប្រាស់កញ្ឆា ចំណែកឯគំរូសក់បានធ្វើតេស្តវិជ្ជមានចំពោះ ketamine, cocaine និង Propofol។
យោងតាម សារព័ត៌មានកូរ៉េ Soompi បានឲ្យដឹងថា ប៉ូលីសកំពុងពិនិត្យមើលថាតើតារាប្រុស Yoo Ah In បានប្រើប្រាស់ ketamine ជាទម្លាប់ដែរឬទេ ហើយគ្រោងនឹងហៅលោកមកសាកសួរក្នុងពេលឆាប់ៗនេះ៕
