អីយ៉ាស់!! ទុំ កាន់តែស្វីតខួប ១០ឆ្នាំ ទុំនាំភិយាដើរលេងកម្សាន្តនៅអូតែលលំដាប់កំពូលនៅអូស្ដ្រាលី…

តារាសម្ដែងលោក ស៊ុក សោភា ដែលមហាជនទូទៅស្គាល់ថាជាតួអង្គទុំ ក្នុងរឿងអក្សរសិល្បិ៍ខ្មែរ ទុំទាវ​ ដែលទទួលបានប្រជាប្រិយភាពយ៉ាងខ្លាំង ដែលជាខ្សែភាពយន្តខ្នាតធំមួយរបស់ខ្មែរ និងជាស្នាដៃនិពន្ធរបស់ភិក្ខុ ងួន សោម ផងដែរ។

យ៉ាងណាមិញគេសង្កេតឃើញថាជីវិតនៅឯអូស្ដា្រលីរបស់តារាសម្ដែងលោក ស៊ុក សោភា គឺកំពុងមានសុភមង្គលជាខ្លាំងជាមួយនឹងក្រុមគ្រួសារដែលគេឃើញលោកប្រើប្រាស់នូវរបស់ល្អៗម៉ាកល្បីៗជាច្រើនផងដែរ។

ជាក់ស្ដែងថ្មីៗនេះគឺជាខួបអាពាហ៍ពិពាហ៍ ១០ឆ្នាំរបស់លោកដែលលោកបាននាំភរិយាទៅអូតែល Plaza Versace ដែលជាអូតែលលំដាប់កំពូលមួយនៅអូស្ដ្រាលី ទទួលទានអាហារឆ្ងាញ់ៗ និងបន្ទប់សម្រាកដែលពោរពេញទៅដោយរបស់ទំនើបៗជាដើម។

ក្នុងនោះផងដែរលោក ស៊ុក សោភា បានបង្ហោះសារនៅលើបណ្ដាញសង្គមបែបនេះថា៖ «នាំប្រពន្ធមកលំហែរកាយថ្ងៃ​ខួបអាពាហ៍ពិពាហ៍10ឆ្នាំ រីករាយខួបអាពាហ៍ពិពាហ៍ 10ឆ្នាំ ប្រពន្ធសម្លាញ់ 22/06/2012-22/06/2022  ថ្ងៃនេះ 10ឆ្នាំមុន គឺជាថ្ងៃដែលយើងចាប់ដៃគ្នាកសាងគ្រួសារនេះឡើងរយៈពេល 10 ឆ្នាំក្នុងជីវិតគូស្វាមីភរិយាយើង។

បងសូមអរគុណអូន ដែលគោរពស្រឡាញ់ យកចិត្តទុកដាក់ មើលថែរក្សារគ្រួសារយើងបានយ៉ាងល្អ។ អូនគឺជាប្រពន្ធ ជាម្តាយ កូន បងប្អូន ដ៏ល្អក្នុងគ្រួសារ  ក្តីស្រឡាញ់ ភាពរីករាយ សុភមង្គល នឹងស្ថិតស្ថេរជាមួយគ្រួសារយើងជារៀងរហូត បងស្រឡាញ់អូន សារីណា»៕

អត្ថបទទាក់ទង

អត្ថបទថ្មីៗ